Wednesday, June 15, 2011

თანამედროვე მხატვართა შემოქმედება მკვეთრად განსხვავდება წინა საუკუნეების მხატვართა ნახატებისგან. 90–იანი წლებიდან მომრავლდნენ ილუსტრატორები. ეს გამოწვეულია იმით, რომ ილუსტრაციები გამოიყენება მოდაში (ახალი კოლექციის შემქმნისას), მულტფილმებიდა და მხატვრული ფილმების შექმნისას, სხვადასხვა სარეკლამო ბროშურებისთვის და პლაკატებისთვის, არქიტექტურაში, მხატვრობაში და სხვა.
ილუსტრაცია, ეს არის ვიზუალურად იმის გადმოცემა რისი სიტყვებით ახსნაც ძნელია.


Light Painter (TangYauHoong)
Mandy Tsung.
ეს კი ვიდეო, თუ როგორ ქმნის ერთ–ერთი ილუსტრატორი ნახატს




მოპოვებული ინფორმაცია: Tumblr

Tuesday, June 14, 2011

ზძისლავ ბეკსინსკი (Zdzisław Beksiński)

მინდა გესაუბროთ მხატვარზე, რომლის ნახატებმაც ჩემზე დიდი შთაბეჭდილება მოახდინა. ეს არის ზძისლავ ბეკსინსკი, პოლონელი მხატვარი, ფოტოგრაფი და სკულპტორი. მან სახელი გაითქვა, როგორც ფანტაზიის მხატვარმა. მისი ნახატებში  იგრძნობა ბაროკოსა და გოთიკის გავლენა. ბაროკოს გავლენა "ფანტასტიკური რეალიზმის" პერიოდში შექმნილ ნახატებში აისახა. მისმა სუერალისტურმა გამოსახულებებმა საზოგადოება შეაშფოთა, თუმცა დიდი აღიარება მოიპოვა. მეორე სტილი კი უფრო მის გვიანდელ შემოქმედებაში დომინირებს.


აღსანიშნავია, რომ ბეკსინსკი თვითნასწავლი მხატვარი იყო. იგი ძირითადად ზეთის საღებავებს და აკრილს იყენებდა. მუშაობის პროცესში ყოველთვის უსმენდა კლასიკურ მუსიკას. იგი მალე გახდა  თანამედროვე პოლონური ხელოვნების ერთ–ერთი წამყვანი ფიგურა. "ფანტასტიკური პერიოდი", როგორც მან თავად უწოდა თავის შემოქმედების ამ ეტაპს, იყო პერიოდი, როდესაც მან შექმნა სურეალისტურად, პოსტ–აპოკალიფსურად გადმოსცა გარდაცვალების სცენები, მის ნახატებში მრავლად იყო დეფორმირებული ფიგურები.


ზძისლავი დარწმუნებული იყო, რომ მისი ნახატების მნიშვნელობას ცოტა თუ ჩასწვდებოდა, ამიტომ 1977 წელს მან საკუთარი შემოქმედების ნაწილი დაწვა. მოგვინებით განაცხადა, რომ ეს ნამუშევრები "ზედმეტად პირადი" პირადი იყო და ზოგიც – არადამაკმაყოფილებელი, ამიტომ არ სურდა ვინმეს ეხილა ისინი.
მისმა შემოქმედებამ ჩემზე დიდი ზეგავლენა იქონია. მიუხედავატ შემაძრწუნებელი სცენებისა, მისი ყოველი ნახატი ჩემში დადებით მუხსტს ტოვებს.




მოპოვებული ინფორმაცია
ზძისლავ ბეკსინსკის ოფიციალური გვერდი.

Monday, May 23, 2011

ფერწერის ჟანრები

მინდა ვისაუბრო ხელვნების ერთ–ერთ დარგზე, ფერწერაზე.გამოსასახი საგნებისა და მოვლენების მიხედვით მიხედვით ფერწერა იყოფა ჟანრებად, რომელთაგან მთავარია: ისტორიული ფერწერა, ნატურმოტი, პეიზაჟი და პორტრეტი.
ისტორიული ფერწერა
ისტორიული ფერწერა ასახავს კლასიკურ ისტორიულ, მითოლოგიურ და რელიგიურ სცენებს. უმეტესწილად ამ კატეგორიის ნახატები იქმნებოდა ისტორიის ამა თუ იმ ფაქტის ვიზუალურად შენარჩუნებისთვის.

კარლ ბრიულოვი, პომპეის უკანასკნელი დღე
ნატურმორტი
ნატურმორტუ უაღრესად პოპულარული იყო XVII ს–ის ჰოლანდიაში. ისინი მშვენივრად გადმოსცემდნენ იმ ეპოქის სულს, რომლის კულტურაც აფასებდა უბრალო, მოკრძალებულ სიამოვნებას: ოჯახურ გარემოს, საკვებსა და სასმელს, მყუდროებას, უბრალო ნივთების ფერს. ამავდროულად, ეს ნივთები ხშირად სულიერებისა და სიმბოლურიმნიშვნელობის მატარებელნი იყვნენ.

Vincent Willem van Gogh, "მზესუმზირები"
პეიზაჟი
პეიზაჟი უკიდურესად მოქნილი თემაა, რომლის საშუალებითაც მხატვრები სამყაროსადმი თავიანთ დამოკიდებულებას გამოხატავენ.

Paul Nash, "ჩვენ ვქმნით ახალ სამყაროს"



ხელოვნების როლი საზოგადოებაში


სიტყვა, ხელოვნება, აღიქმება როგორც ბუნების საპირისპირო ცნება. ამ აზრით, ხელოვნებას მიეკუთვნება ყველაფერი, რაც არაბუნებრივი წარმოშობისაა, ანუ შექმნლია ადამიანის მიერ. თანამედროვე ინტერპრეტაციით, ხელოვნების განსაზღვრებები ასახავენ ესთეტიკურ კრიტერიუმებს, და ტერმინი ერთნაირად შეეხება ლიტერატურას, მუსიკას, ცეკვას, დრამატურგიას, მხატვრობას, სკულპტურასა და არქიტექტურას.ვიწრო გაგებით, ხელოვნებაში გულისხმობენ მხოლოდ სახვით ხელოვნებას, ანუ ფერწერას, გრაფიკას და ხუროთმოძღვრებას. სიტყვა ხელოვანს მეტაფორული მნიშვნელობითაც იყენებენ და იგი აღნიშნავს ცოდნის, ოსტატობის მაღალ დონეს ნებისმიერ საქმიანობაში.

ხელოვნებასა და საზოგადოებას შორის ყოველთვის იყო და არის მჭიდრო კავშირი. ხელოვნება შეიძლება სტატუს ქვოს მომხრეც ყოფილიყო და, ამავდროულად, რადიკალური ცვლილებების კატალიზატორიც. იმის გამო, რომ ხელოვნება მუდმივი დინების ნაკადში იმყოფება, მაყურებელს უნდა გააჩნდეს უნარი, მიჰყვეს და შეეგუოს სტილისა და ღირებულებების ცვლილებებს.


ილუსტრატორი Vanessa Tam

პირადად მე, ხელოვნების დარგებიდან გამოვარჩევ მხატვრობას,  რადგან, ვთვლი, რომ მხატვრობას უდიდესი როლი აკისრია არა მარტო ხელოვნების, არამედ საზოგადოების განვითარებაშიც. ნახატით ადამიანს შეუძლია გადმოსცეს საკუთარი გულისტკივილი, ფიქრები, ის, რაც ქვეცნობიერში აქვს. ნახატი შემქმნელის სულის ანარეკლია.
Zdzisław Beksiński, http://www.beksinski.pl/